A Ludoteca de Verán e o Campamento Urbano do Concello de Verín recupera a festividade de San Fermín tras dous anos de parón por mor da pandemia
Verín acolle a retransmisión en directo da ópera Nabucco de Giuseppe Verdi
04/07/2022
O Festival de Curtas de Verín volve programar actividades para os cativos e cativas tras dous anos de parón por mor da pandemia
07/07/2022
O xoves día 7 de xullo máis de 170 menores integrantes destes servizos de conciliación, coeducación e diversión, (ludoteca – campamento urbano) participarán nunha divertida xornada de xogos que terá como temática principal a tradicional festividade do San Fermín. A mesma terá lugar no CEIP Princesa de España.
A Ludoteca de Verán e o Campamento Urbano do Concello de Verín recuperan esta actividade tras dous anos de parón por mor da pandemia.
O Gran Xogo de San Fermín
Unha xincana con diferentes probas: correr detrás do touro para intentar colocarlle o rabo ou saltar a comba cantando a canción de San Fermín serán algunhas das probas preparadas para que os cativos pasen unha mañá divertida celebrando esta festividade. Para seguir coa tradición, os nenos e nenas irán vestidos de branco coa pañoleta vermella. Por suposto que tamén haberá pregón e chupinazo.
Contarase con dous touros: un minitouriño para os pequenos e un touro para os rapaces e rapazas do campamento urbano e maiores da ludoteca.
Esta iniciativa forma parte das actividades realizadas no servizo da Ludoteca de Verán e do Campamento Urbano, destinadas a conciliar a vida laboral e familiar dos proxenitores e cubrir o tempo vacacional dos menores, con idades comprendidas entre os 3 e os 10 anos, ludoteca; e os 11 a 14 campamento urbano. Ambas actividades son organizadas dende a Oficina Municipal de Información Xuvenil, área de Mocidade do Concello de Verín.
