Concello de Verín

No municipio nicaraguano de Totogalpa vén de rematar o proxecto cofinanciado polo Fondo Galego de Cooperación e Solidariedade para promover a participación cidadá. A entidade achegou 50.000 euros á proposta presentada pola ONGD Paz e Desenvolvemento en 2009 á convocatoria de subvencións para proxectos de cooperación internacional ao desenvolvemento. O Instituto de Promoción Humana (INPRUH), parceiro tradicional do Fondo Galego, implementou a iniciativa no terreo.

Ao longo desta xornada, a sala de xuntas do Concello de Verín acolleu a primeira reunión do xurado para a selección do anteproxecto de construción do Centro das Artes Municipal de Verín.

O salón de plenos municipal acolleu esta mañá a presentación da escola-obradoiro ‘San Antón’, concedida pola Consellería de Traballo e Benestar ao Concello de Verín.

A partir do vindeiro 23 de decembro, os/as verinenses poderán entregar, nas instalacións de Ludonadal, os alimentos da campaña ‘Comparte sorrisos e Ilusións’, organizada pola Eurocidade Chaves-Verín, Câmara Municipal de Chaves, Concello de Verín, Asociación de Empresarios de Verín (AEVER) e Pro-Centro (Asociación para a promoción do centro urbano de Chaves.

O mércores 22 de decembro procederase ao cambio da canle na que se está a emitir o múltiple autonómico desde o centro de extensión da TDT de Mandín ( na actualidade emite na canle 40: TVG, TVG2, Popular TV e V Televisión), segundo a información facilitada pola Oficina Técnica da TDT de Galicia.