Concello de Verín

A Biblioteca Pública Municipal do Concello de Verín organiza mañá 15 de decembro, ás 11.30 horas, unha videoconferencia con Papá Noel para os/as nenos/as da Fundación Preescolar na Casa.

A Casa do Escudo de Verín acolle entre os días 13 de decembro e 8 de xaneiro a exposición ‘Beléns do Mundo e Filatelia Natalicia’.

62 anos despois da súa aprobación e proclamación, nunha histórica Asemblea Xeral de Nacións Unidas no ano 1948, o mundo suspende en Dereitos Humanos. Hoxe a noticia sería que un acusado fracaso escolar en Pedagoxía Aplicada para os Dereitos Humanos delata o pulso vital dese vello e violento planeta Terra.

Nesta semana concluíu o prazo de presentación de proxectos para o concurso de ideas para a selección do anteproxecto de construción do Centro das Artes Municipal de Verín, ao que se presentaron un total de cincuenta e tres procedentes de diferentes puntos do territorio español, como Bilbao, Barcelona, Valencia, Gijón, Oviedo, Valladolid, Segovia, Madrid, A Coruña, Vigo e Santiago de Compostela.

O alcalde de Verín, Juan Manuel Jiménez Morán, presentou esta mañá as actuacións de mellora de infraestruturas que se van a realizar no municipio, incluídas no Plan de Infraestruturas de Medio Rural, da Consellería de Medio Ambiente, Territorio e Infraestruturas.